記得讀書時有一本好厚既書, 呢本書好特別, 因為:

1. 雖然佢唔係主科, 但年年都係用同一本書~

2. 甚少會將本書帶返屋企, 通常會放係locker~

3. 本書d字好細隻, 密密麻麻, 無咩圖畫~

4. 望住本書, 隨時恰眼訓~

5. 人地本書分上下冊, 佢就分新舊, 但新舊都咁重要~

6. 永遠無諗過可以讀得完呢本書.......

唔知大家諗唔諗到呢本係咩書呢?

係啦, 佢就係聖經啦~

記得以前讀基督教學校時早上有靈修班, 我都有參加, 但唔知點解唔係咁睇得明聖經既內容及意義, 加上又係早上, 好容易恰眼訓 .......

上宗教班時, 我成日係度諗, 呢本書咁厚, 重要分新約, 舊約, 真係永遠都唔會睇得完~

但現在睇返聖經, 感覺好唔同, 有點似睇故事書, 雖然未必完全睇得明, 但可能自已經歷多左, 感受既野又唔同左~

我好喜歡聖經內既金句, 所以讀佢既時間, 我會攞住支highlight pen, 睇到覺得有意思既章節或經文時, 都會highlight 過來, 方便日後再查閱~

係呢個時候, 我竟然對自己好有信心咁, 一定可以將整本聖經讀完~ (讀完並唔代表記得晒所有既經文)

以前既聖經真係好大本, 好彩先前我買左本pocket Bible, 帶去崇拜都唔係太重即~

其實我發現左一個好奇怪既現象, 就係逢星期日, 我返主日崇拜坐港鐵時都會攞本聖經出黎睇, 但好多時, 我發覺好少人會選擇坐我格離, 情願對面坐滿晒或行去另一邊坐, 除非成車爆滿啦, 如果唔係, 我格離都係空置左....... 唔知係咪d人怕我會同佢傳福音呢? 其實我未到傳福音呢個level~ (我知道我咁諗, 係因為我以前都覺得係咁)

不過這個由不讀聖經到現在既轉變, 令我想起這幾段經文:(傳道書3:1-8)

凡事都有定期，天下萬務都有定時。
生有時，死有時；栽種有時，拔出所栽種的也有時；
殺戮有時，醫治有時；拆毀有時，建造有時；
哭有時，笑有時；哀慟有時，跳舞有時；
拋擲石頭有時，堆聚石頭有時；懷抱有時，不懷抱有時；
尋找有時，失落有時；保守有時，捨棄有時；
撕裂有時，縫補有時；靜默有時，言語有時；
喜愛有時，恨惡有時；爭戰有時，和好有時。