上星期同成班表弟妹與舅父大隻佬夫婦一齊去左梅窩宿營~

諗下諗下, 好內無去過渡假屋玩宿營啦, 今次一行十幾人, 有大有細, 一齊去玩~

我呢個路痴, 真係連入梅窩都唔係咁識, 放工一支箭去到中環六號碼頭, 點知有人遲到, 唔想再等, 所以自己一個人搭船入去, 因為另一班人已一早入左去梅窩買野啦.......

真係好內無搭船, 原來買普通位係無冷氣既, 買豪華位先至有, 不過好彩有海風都無咁熱, 我一上船就發揮我既貪睡本色, 一上船就訓覺, 好彩到站前醒左即, 船程大概一小時~

去到同其他人會合, 返入渡假屋放低行李, 換對拖鞋坐巴士入貝澳~

入貝澳唔係游水wor, 我地諗住摸蜆~

去到都差不多日落lor, 好靚呀~

呢張相令我諗起"足印"呢首歌~

大隻佬教我地摸蜆既技巧, 去到沙灘岸邊, 用腳板向下轉, 好似挖個洞咁, 挖下挖下, 如果發覺有d滑滑地既野, 用手去挖上黎~

我因為無帶泳衣, 只是著短褲, 所以唔可以行得太出, 但真係好彩, 我都挖到幾隻wor, 但如果行出d, d蜆會更大隻~

這一天既收穫很豐富~

晚上當然BBQ + 燒蜆啦~

我地租既渡假屋有兩間房共八張床, 即係大概兩人要share 一張床, 睇下幾混亂, 但咁樣先開心....... 好彩有兩個toilets~

入到黎梅窩, 到處都見到呢d Banner~

見到佢地都感覺好休閒~

第二天, 原本plan 左入大澳, 點知大家因為昨天摸蜆太興奮, 今日再continue......

路過見到, 小牛牛好cute 呀~

因為中午正是潮退, 所以可以行得更加出, 收穫比昨天更豐富, 有d真係好大隻, 總數都摸到七十多隻~

因為唔可以即時食左d蜆, 唯有一人一d攞返屋企~

之後, 一個騎呢人出現啦...... 是誰? 就是我自己, 點解?

因為我地出沙灘是著拖鞋(好核突既拖鞋), 摸完蜆之後, 貪方便, 我無著返本身既鞋, 就咁著住隻拖鞋出中環, 攞住個桶(放左蜆), 重要經過IFC, 嘩~ 肉酸死呀!!!!! (下次記得要換返對鞋)

d蜆真係好新鮮, 我一路搭巴士, 佢一路噴水, 吐沙, 搞到我雙腳繼續濕晒~

不過這個Trip真係好開心呀~