烚蛋

基本上蛋黃, 蛋白我都會食, 但鍾意蛋白多d, 因為烚蛋煮得太熟, 個蛋黃會好硬, 我好容易梗親, 好難落格, 感覺唔係咁好; 所以半熟既水煮蛋就好一些, 蛋黃是溏心的, 容易入口, 正!

煎蛋

我好鍾意水汪汪既蛋黃, 所以太陽蛋是"賣飛佛", 加些鹽在蛋中, 首先我食左圍邊既蛋白先(蛋白濃濃地好d, 兩面都有濃濃地既蛋白重好味), 最後才食蛋黃, 但媽媽話蛋黃唔熟會有菌, 所以有時會撈埋在通粉裡吃, 諗起都流口水; 另外, 我也很喜歡食公仔麵時, 將生蛋放在碗中, 然後將熱騰騰既公仔麵連湯倒入碗中, 蛋黃也會變成溏心蛋~

奄列

我對奄列麻麻地~

咸蛋

出油既咸蛋黃好正, 我唔鍾意食佢既蛋白, 因為實在太咸, 但好彩, 我d細佬同我相反, 所以媽媽整咸蛋時, 唔會有人同我爭, 蛋黃比我, 蛋黃比我細佬, yeah~  所以黎緊既中秋節, 都唔會有人同我爭食黃, 勁happy~

唔知大家有冇試過薑醋咸蛋呢? 好好味ga, d蛋白又唔咸, 所以我連蛋白都食埋~

皮蛋

有人話食得多皮蛋會變蠢, 因為佢含鉛量高, 但我又唔理wor, 皮蛋黃又係好好食, "酸薑皮蛋"係飲茶必叫既點心~

媽媽每次煮芫茜魚片湯, 都會留低好多蛋黃我吃~

鐵蛋

嘩, 細細顆, 一日最多可吃五粒, 但我一見到已拋開腦後, 食左先算......

茶葉蛋

離遠聞到已經好吸引, 點可以唔食~

鹽焗"暗春"蛋/ 雞蛋

大家有冇見過街邊既鹽焗蛋呢? 細個時爸媽成日買比我食, 好多鹽鋪滿蛋上, 熱辣辣, 咸咸地, 好味道~  

而家諗到咁多先, 唔知大家有冇其他食蛋既習慣推介下呢?