唔知大家睇到呢個題目, 會唔會以為我係低b呢?

學掉垃圾, 細路哥都識啦, 洗唔洗學呀?

你地真係有所不知.......

1. 過時或唔啱size的衣服: 成日諗住會有機會著返, 但就算成功減到肥, 已過時或已發霉~

2. 挖腳的鞋: 買既時候無問題, 但一著去街或返工, 挖鞋挖到七彩, 流晒血, 但諗住只著左一次好0徒, 又唔平, 所以放左係度好內, 時間飛逝之後, 根本已忘記有呢對鞋既存在~

3. 舊鞋: 舊鞋特別舒服, 所以唔捨得掉~

4. 睇完既舊雜誌: 舊報紙已成日清, 但舊雜誌就會留低, 尤其是旅遊同時裝雜誌, 我試過上一次掉野, d舊雜誌竟然係幾年前~

5. 好靚既盒: 好靚既鐵盒, 曲奇餅罐, 總會留起, 用黎儲野, 但其實無咁多野放, 浪費晒d位置~

6. 過期食品: 有時有d醬料放左係雪櫃好內, 想用既時候好彩睇到已過期, 如果唔係食到肚瀉, 但如果你一直無攞佢出黎食, 一路唔會知佢已過期~

7. 書本: 書本分學術性及興趣性, 一些學術性既書因為工作需要, 唔會掉, 但其實version 已唔update, 又唔捨得買本新version; 興趣性既書好少會掉~

8. 信件: bank statement, 宣傳單張, gift coupon, 好怕見到呢d, 因為儲埋一大疊先處理, 一處理就頭痕~

9. 手信, 換公仔: 收到朋友既手信當然好開心, 但越來越多, 沒有位置放好, 但又不捨得掉; 見到電視宣傳話有公仔換, 不停食餐換心頭好, 但換完之後, 又只係放左响度, 唔知做咩~

其實重有好多好多, 你地有冇其他呢? 

可能大家睇完之後, 覺得我係一個垃圾婆, 咩都唔捨得掉.......

唔緊要, 因為我會改, 我決定要快d處理好呢d野, 應留就留, 應掉就掉, 唔會心軟, 希望大家支持我啦~